hmm~呢几日都好有写blog的冲动，因为赖兼且忙，不过最大的原因都系唔知点落笔，所以迟迟未写。有好多嘢好想同你地交待，之前你地系微博度见到我的三言两语都有问过我咩事，唔系我唔想答，系唔知点答，而且觉得答咗咪一样于事无补。我始终偏向将所有嘢搞妥之后再同你地讲结果。

那，开讲。

学业上，冇咩点，除咗学校话我未交学费而我又迟迟都冇动力去check银行户口，仲有就系份传说好重要的三方协议被人收走咗我唔知用咩籍口同学校解释觉得好烦之外，其他都冇咩特别了。啊，唔知我张床的被铺我上次翻学校冇洗过就直接被我训咗一个星期算唔算严重事件。

工作上，唉，我唔想提，而且未有明朗的结果。我只可以讲，我咩住一个好重的包袱唔舍得放低，因为无论以前点样都好，我从未想过舍弃我的家人，即使如果得我一个人我可以活得好潇洒自在。

感情上，我中意咗一个人，或者，爱？我唔知。不过呢份唔清唔楚的感情唔知算唔算开始过就已经夭折咗，我非常接受呢个结局，因为我开咗个头但冇心力去维持，我有时都会想如果我坚持多一阵或者再主动D，可能我依家就唔系一个人系度时刻计算生计开支柴米油盐，我会有个人义务性地听下我讲中午食咗咩朝早几点起身有冇赖床夜晚放工有冇又发鸡盲上咗短线车但系系终点站被人赶落车的时候发现有间精品店的围巾特价心情由低落变成好似赚咗咁blablabla……我知道点样系满街牛鬼蛇神的世界生存，但生存之余我也渴望半夜有人陪我有一句冇一句咁倾计吹水，周末可以一起食餐饭我就心满意足。但我怕重滔复撤，怕世事总是事与愿违，力不从心。有朋友好奇问过我你生咩样，我当时九唔搭八地答咗句“佢系我的”就冇再出声，冇错，我唔怕认，我有时真系好想同全世界讲你系我的，永远都系我的。但系冇可能，你要的系自由唔系我，我要的系同你曾经相亲相爱的关系而唔系彼此箍死对方，我甚至连对你的感觉属于咩都唔清楚，我只系唔想失去你，所以先行一步偏激地霸住你唔比其他人取代我位置。但系你要走，我唔会强留，而我地可唔可以回到亲密的朋友关系，我好想，但系唔知得唔得。从果晚我叫你坦白之后我就真正放低咗，但你对我是否还有芥蒂，我知道答案系有。我知道凡事随缘莫强求，我希望你记得，你认识的我，除咗霸道，仲生得好潇洒~~我永远系你半夜等波赛无聊时总会在线的乌龟，我希望将来有日你得闲又带下我去威，然后同电话入面的朋友讲你带紧只龟去散步……

如果你睇到呢篇blog，咁边日你ready好我地做翻损友，同我讲声，我最多豪D请你食萨莉亚~~