我都唔知点解，一开篇就想叹气。唉……

本来六级唔过我冇乜心理阴影既，反正我冇温习过，反正我唔觉得自己英文比其他人差，反正我四级过咗学位试就唔使考英语，反正我以后未必用得着六级证书，反正反正我一向都好潇洒……但系！
但系老粉知道我六级唔过既时候爆咗句：唔紧要啦，迟D我四级过咗，我同你就同level啦~！
呀咩爹~~~~~~~

-------------------------------------------------

上个星期通知学位试的科目定咗落来，就系“长到臭”的《中国现代文学三十年》和“闷到死”的《新闻采访学》，并且学位试将提前到四月份开考。如果今次学位试考衰咗，我就永远冇可能得到“中大学位”，你叫我点淡定，淡定又有咩用。

------------------------------------------------------------

拖拖拉拉了两个多星期的平面设计兼职测试，今日终于有回音，唔算坏消息，但系就高兴唔起。好多时候我地会认为感兴趣大晒，自学大晒，有小聪明大晒，或者努力大晒。然后忽然有一日你发觉，自己始终比有机会做专业生的人矮了半截，你冇得怨，怨都冇用。

--------------------------------------------------------------------------

要储钱买的嘢一样都未买到手，手上的人民币就已经以迅雷不及掩耳的速度离开我。网费要钱，饭卡要钱，书本费要钱，前个学期的水电费才刚刚还清，上个学期的水电费就出来了，连饮水费的啊姨都来衬场，跑上门追数，话我地上年的饮水费未交！问佢罗张收据就blablabla讲一大堆嘢来窒我。八婆~你听过“发穷恶”未？想唔想见识下？

------------------------------------------------------------------------------------------

唉，点解我的钱咁少，点解我个胃咁大，点解我唔聪明D，点解我唔靓D，点解我个胸唔大D，点解做天才美少女咁大压力。
我只系想静静地落街买个肠仔包食下喈~





P.S  我开了“嘀咕”：http://digu.com/dearmilan
        永远怀念“饭否”，默哀三分钟。

    二月被我懒洋洋地过掉，身边的人却发生了许多不得了的事情。

    现在已经是凌晨三点多了，二月最后的一天。明天要回大山，说不出是什么感觉，但又不像舍不得。感觉今次要拿好多东西上山，最主要都是书，买了好多好多书，但我到现在还没打算收拾行李，好想有个人在身边任我差遣啊。

    昨晚用好短的时间一口气看完了几米的《星空》，48元耶，好多次拿起想买又放下，终于还是买了。将它放在电脑台上，双手一闲着就胡乱翻几页看一下。

   以前读书，每个月的零用钱都用在买书上，说买就买，每个星期骑着辆烂单车就去书城，潇洒得很。高中以后每个月拿着几百块钱柴米油盐样样忧，饭都舍不得吃多点。最惨就是，人越大越容易婆妈，好像“不如不见”里唱的：灵气大概早比污染。

   最近很迷“一日一英语”这个网站。
   when we have a half-warmed fish in our hearts.
   意思是当我们心里有一个半难不成的梦想。
   当我们心里有一个半难不成得梦想，怎么办？

我好无聊啊。搵静儿倾计点知大家好似斗无聊咁，居然系度发R音。RRRRRR……

最近徐H出现咗少少状况，搞到我们这个小圈子出现了好久没出现既波澜。可能真系呢几年我地太少联系，虽然老土D讲句，就算几耐唔联系感情都唔会变~但系我地冇系你身边经常出现，Q下你都好，SMS又好（我记得我地以前读高中，明明住系隔离宿舍都会发短讯，就算电话就快冇钱了，都会不停发发发。），最终搞到对发生系你身边既事唔清唔楚，或者系你彷徨啊需要我地意见既时候我地又唔系度各自各精彩，过年过节又冇送盒杏仁饼拜候你老人家嚄。。唉，搞到依家咁既局面，可能我地真系冇立场趾高气扬咁教你当初应该点样点样，依家又应该咁样咁样先啱。我地对你咁肉紧，但系自己又冇反省过自己，唉，呢D咪系我地既本性咯，证明我地咁多年都冇变咯，真系好难得既，我都不由得佩服我自己，居然经过时间既磨损依然可以咁出淤泥而不染~咔。

Anyway，你咁大个人识得捻既，大个女啦，以后开心又好伤心又好，我都希望你能够承受得住。其实我地应该讲翻声多谢既，多谢你肯讲件事比我地听，讲到底你冇义务向我地交代D乜，亦都冇责任听我地漫天口水咁批判。话你错，可能我地以前错得更离谱都有，到底啱唔啱，每个人都有唔同标准，你系当事人你自己判断，我地既意见立场虽然用好粗鲁既方式话你听，但希望你EQ高过我地，过滤咗其中既粗言秽语，认真咁参考下我地既说话。最好顺便咁忘记埋我好恶个样，永远保持斯斯文文咁既形象啦。我知道唔难既，我对你有信心。

最近同H倾计捞起D旧事来讲，唔知点解今晚翻风就忽然再捻翻起D旧人。于是今晚打开某个blog，唔知点解，果个blog的地址我从来冇收藏过或者记住过，但系开过一次之后就冇再忘记过个地址，反而自己新blog既地址就硬系记唔住。入翻正题，打开个blog目的其实就系想睇下D相，深夜又无聊既时候偷窥人地私隐就最啱啦。以前发生既事虽然唔算得上长时间但又唔短，至少我曾经觉得好漫漫，当事情结束既时候我又出于本能拒绝得好彻底。想翻起，我从来冇话去细细缅怀过去，好似一直比我lock住咗咁，就算有心同朋友去讲起以前，都冇一次话讲得有条有理，好似点讲都唔系咁样一回事咁。再讲翻个blog既相，那，我难得咁感慨去缅怀过去偷睇人地既相，点知原来个相册一早就清空晒，一张不留。唉。你从来都冇话会等我。

EASON有首歌叫“于心有愧”，我第一次听既反应系，你会唔会曾经系某个时候捻起我，然后有歌词入面既感受？我希望你冇，又希望你有。无他，因为我唔小器，好早以前就原谅咗你，但系又唔够伟大咁咯。

up完。



真系难得，我写咗咁长一篇blog。

我啊妈话：
你恨我咁多年以来都偏袒家姐对你唔好，呢个系理所当然，你家姐每个月至少都比到一千蚊我使，你比到D乜我，点解我要对你好？



我可以赚到几多钱，我地都放长双眼去睇，到底我可以比到D乜你。